أنا هنا


الخميس,كانون الثاني 17, 2008


الشارقة 1996 والله الجماعة بذلوا جهد مرتب واشتغلوا والدليل بتلاقيه اليوم

تونس 1997 هدول عالم من غير شي مثقفين

القاهرة 1998 بدها شغل

بيروت 1999 بحاجة لثقافة بعيدة عن زمن الحرب

الرياض 2000/الكويت 2001/عمان2002

اغراق في التراث المحلي

الرباط /2003؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صنعاء 2004 تميز كتير واضح

الخرطوم 2005!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مسقط 2006 شغل منيح

الجزائر 2007 اسابيع ثقافية

دمشق 2008

اي هون حطنا الجمال بقا وهون فينا نحكي ونفرفد وناخد ونعطي سالوني ليش ؟ سالتوني ليش؟

لانو دمشق يفترض تقدم اهم احتفالية للثقافة بالعصر الحالي والبوادر لهلأ كانت طيبة بس خلونا نحكي كم كلمة

   المزيد ...


الخميس,تشرين الثاني 22, 2007


معالي وزير الاتصالات المحترم :

في الوقت الذي تسير فيه سوريا للامام في كل المجالات يوميا تتراجع في الانترنت يوميا عشرين خطوة للخلف

نسفت جهد عشرات الشبان بموقع كلنا شركاء ثم ازلت موقع بلوغ سبوت والذي اعتبر ثورة في التدوين ولم تمض فترة حتى لحق بهم مدونة الفيديو اليوتيوب

لتكتمل القصة مع اخوية وشبابلك اقوى تجمعين للشباب السوري افتراضيا

مالذي فعلناه لتقوم بحجب مواقعنا

هل اصبح من المحرمات ان يجتمع الشباب السوري ليفكر ويتناقش بعيدا عن انتماءاته وافكاره الدينية ؟

هل اصبح من المحرمات ان يتبادل الشباب السوري الافكار والكتب والموسيقى والفنون؟

ارجوك لاتقل لي بسبب اساءات متكررة لسوريا

الانترنت بحر يا معالي الوزير فهل نضع سدا امام البحر

وشباب سوريا يمتلكون من الوعي ما يزن بلدانا بكاملها وهم قادرونعلى تمييز الغث من السمين

لن اقول لك في نهاية كلامي الا

   المزيد ...


الأحد,تشرين الثاني 04, 2007


حبيت زكركم بكم شغلة هيك .. خطرو عبالي هداك اليوم .. قلت بلكي بتتزكرو معي ..
يعني بعمل حملة تنظيرية كالعادة وبيجي مين يتهمنا بالكلام بدون فعل .. والوطنية بدون وطن والمدري شو بدون شو .. وهيك قصص .. بسيطة ..
بحب الحكي مو بإيدي ..

نرجع للي تزكرتو ..
انو بعد ما كل انسان صار فيو يعبر عن رأيو وأفكارو بصراحة وعيني عينك ودغري وبدون لف ودوران وعلى عينك يا تاجر وبدون خوف ولا جوبنة وبكل احترام وبكل رقي وحضارة .. ما عاد في حرية أبداً وما رح يكون ..
وبعد ما كل انسان قدر يرفع صوتو وسلاحو وراسو بوجه أعداؤو .. ما عاد في شي اسمو فلسطين ..صار اسمها الضفة والقطاع واسرائيل وحماس وفتح و.. ومدري شو .. واختفى العراق عن الخارطة .. وتقسمت لبنان كل مترين دولة .. والحبل عالجرار ..
وبعد ما كل انسان أخد حقوقو كاملة مكملة لا ناقصة ولا زايدة من الوطن وعمل واجباتو كلها وفوقها حبة مسك للوطن .. ما عاد في وطن .. صار في عنا بديل هوي الغربة .. حلم الشباب ..
وبعد ما كل انسان فينا تعلم كيف يرفض الظلم ويطالب بحقو .. ما عاد في حقوق أبداً وكترت السجون وقلو الشباب وتم رفضنا كمواطنين ..
وبعد ما كل انسان فينا شبع ونضف وتعلم وأخد دورو .. ما عاد في شي خرج يتدور .. صار في مجاعة مو بس جوع .. وصار في تجويع .. أشباه متعلمين ونصف بل ربع دور لكل واحد فينا ..
وبعد ما كل انسان صار يقرا ويكتب ويشوف ويتمتع ويفهم ويتثقف ويوعى عكل شي حواليه .. ما عاد في شي ينفهم ولا ينقرا ولا ينكتب ولا ولا .. زادت البطالة والجهل والتجهيل .. الكفر والتكفير ..
وبعد ما كل انسان صار عندو أمل وحلم وهدف وطموح .. ما عاد في شي صالح للامل أو

   المزيد ...


الثلاثاء,تشرين الأول 23, 2007


يهالضايع مين اللي قلك انو منو هون الكون ؟
تصور انو تكون الليلة اخر ليلة بتسهر هون
وين مسافر ؟
تصور انك اخر مرة رح تندهلي ورد عليك
واخر مرة بتلمح وشي عم بيزهر بعينيك

هيك بتغني جوليا وهيك انا عم غني وانا عم ضب الشنطة لفل وامشي برا البلد

راح زمن اللي بنقول نرفض نحنا نموت قولون رح نبقى وقررت امشي وسافر

وصارت الكلمات والاحلام والطوحات اني المس الشمس اصابعي هباب طاير بالفضا

وقت الملحد بيقلك انو انت خطر
واللي عامل حاله مؤمن بيكفرك ويتهمك انك منحرف لانك حضرت مسرح بيوم من الايام
ولما المعارض بيقلك انك مخابرات
ولما الموالي بيقلك انك خاين
ولما اصحابك بينقسموا شي بيروح تحت الارض وشي بيروح بالسرطان وشي بيروح بلعبة الموت الطائفي
والنص التاني بيصير عبد للمال وبس وبيحط كل الفروقات بينك وبينه
ولما اهلك بيسكروا كل البواب بوشك لانك حبيت تعمل شي مختلف وهاجس براسك اسمه فن
ولما بتعتذر لشخص بالطريق بتصير خروق ولما بتحاول تاخد حقك فانت واحد مشراني
ولما ما بعرف لوين رح اوصل لبكرا لوين وعيني مو نايمة ولا قلبي
لما بتروح المحبة
لما بيروح الاحساس وينسرق وبيصير العالم غربة والناس طايرة
لما عيشتك ببلدك صارت اصعب من الهم

ولما لما لما لما لما لما لما لما لما لما لما لما

حاجة

ولما جامعة برا بتقلك اهلا وسهلا

رح قللا وانا جايي سامحيني جوليا انا اسف اخدت حكيك شعار الي بس طلعت مغلط كتير

بعد شوي بترك الشام ومالي حامل معي منها الا كم ليرة وكم كتاب ووردة
   المزيد ...


الأحد,تشرين الأول 21, 2007


لوحة

موسم قطاف الزيتون في غزة


اولا الطبيعة :-

سماء سوداء .. سماء سوداء يمتطي غيماتها اله الحرب يقذف لعناته علينا وشيخ يدعوه بأن يغرقنا في

حقده ويشكيه بأن اخيه قد لطخ عمته البيضاء بدمه صباح الجمعة

(يارب تكفله بحقدك يارب اشمله بغضبك ) مع بعض بكاء ....

شيخ ورع بكّاء


الشمس:-

فتاة يخرجها الجند المعروفين بسيماهم وقد نزعو ملابسها عنها فهي سبية... اخرجوها ... من مخبأها تحت التهديد مكبلة ...و مكممة

وقمر مفقوءةُ عيناه يتعثر في بعض النجمات الايتام

سيعلن موتهما بأسباب غامضة بعد انتهاء الموسم

   المزيد ...


الخميس,تشرين الأول 04, 2007


بعد ان قارب الشهر الكريم على الانتهاء قررت ان ارسل مجموعة رسائل لاهل الفن هذا العام الذين قدموا بمعظمهم فنا لايشبه الفن الا بالاحرف

الى صانعي الدراما المصرية : لا ادري متى تقتنعون ان الجمهور لم يعد يصدق ديكور الفيلات او البيوت اللي تبذلون عليها معظم الميزانية
وبعد كل التسويق للدراما التي قدمتوها اقول لكم : تمخض دهرا فولد فأرا

الى صانعي الدراما الخليجية : بايخة

الى صانعي الدراما السورية : انو اخترعتوا الكذبة وصدقتوها

ملاحظات:
1- الفرق بين باب الحارة وجرن الشاويش هو كالفرق بين موضع الطربوش والقبقاب

2- ليست الشطارة يا هشام شربتجي بادخال وجوه جديدة للبيئة الشامية القديمة بل باتقانهم للدور تحقق من قدرة بعض ابطال جرن الجاويش من اداء ادوارهم

3- برافو ثم برافو ثم برافو للكاتبة ريم حنا على المسلسل الممتع عنجد رسائل الحب والحرب وكذالك للمخرج باسل الخطيب وكذلك كل ابطال العمل باستثناء صاحبة الشعر الاحمر سلاف فواخرجي

4- برافو ضرب الف برافو لمسلسل الاجتياح انظلمتوا كثيرا بضعف التسويق لعمل اعتبره اهم من معظم الاعمال هذا العام

5- الى نجومنا ايمن زيدان وجمال سليمان وجمانة مراد وسوزان نجم الدين : اداءكم ممتاز كعادتكم بس تعلموا اللهجة المصرية منيح بالاول
6- الى متابعي فيلم عمارة يعقوبيان : احذروا التقليد

7- الى سكان العالم العربي عامة ودمشق خاصة الشوارع شبه خالية يوميا من التاسعة مساء لمدة ساعة فقط

8- اضيف لنجومنا السوريين واللهجة المصرية
   المزيد ...


السبت,أيلول 29, 2007


سأطيربك بعيداً، في منطاد هواء

نعُومُ إلى الأزرقِ

سَنَطِيرُ ما بعد غيومِ العاصفةَ

سَأَغطّيك في أقواس قزحِ

   المزيد ...


الأحد,أيلول 23, 2007



الأربعاء,أيلول 19, 2007


لأول مرة تقريباً في تاريخ البشرية تجد أن الشاب يفرح بوجود عاهة في جسده.
نعم إنه يفرح!
أتعرف لماذا؟
لأنه يمكن أن يدفع بدل العسكرية.
في بلدي الحبيب وبعد سنوات طويلة من الدراسة المستميتة للحصول على تلك الكرتونة (كما يسميها أحد الدكاترة), وبعد الصراع المرير مع الدكاترة ومع الزمن المتسارع,بعد كل هذا يخرج الشاب ليجد نفسه في صراع من أجل البقاء بعد أن كان في صراع من أجل الكرتونة.
لقد حصل على الكرتونة ولكن يا إلهي!!! هناك سنوات أخرى من العذاب!
سنوات العسكرية!!!!
وفي يوم من الأيام صدر قرار دفع البدل لمن سجل على دفتر عسكريته خدمات ثابتة.
وهنا بدأ الصراع, صراع من أجل الحصول الخدمات الثابتة.
وهنا تأتي المفارقة.
كيف أحصل على خدمات ثابتة؟
يا ريت كان فيني شي عاهة تؤهلني للحصول على الخدمات الثابتة.
نيالو رفيقي, طلعلوا خدمات ثابتة لأن معو ضعف شديد بنظره.
نيالو رفيقي التاني لأن معو خلع بكتفو.
لكن شفت فلان الله يصلحو, لعمى شو حظاتو قلال, ليش؟
لأنو راح عمل عملية ليزر لعيونوا وصحح الضعف.
له له....الله يصلحو على هالعملة,,,روّح من إيدو فرصة العمر....
يلا.... نصيبو.....
يا ريتك يا أمي جبتيني معي شي عاهة.
يا ريتك يا أبي ما جبت غير ولد وحيد.
يا ريتني ما كنت سوري.............
أنا سوري آه يا نيالي.

من كلنا شركاء

<!-- / message --><!-- sig -->



الأحد,أيلول 09, 2007


أيام قليلة ويبدأ شهر رمضان الذي يأتي هذا العام مع المونة والمدارس وألف الحمد لله ان وزارة الكهرباء حلت مأساة الكهرباء والا لكان الامر مصيبة من الدرجة الاولى

الملفت ان العبارة المرفقة مع الشهر الفضيل هي رمضان كريم بس كريم علي مين ؟

الجواب على ناس وناس

لعلها الصدفة هي التي دفعت بامي اليوم رغم انها متعبة ان تصر علىاصطحابي معها لسوق الخضار والمشهد ولا احلى

فسائق التكسي لهف اول 80 ليرة رغم ان المسافة بين بيتي وسوق الشعلان تستغرق ما يكلف 50 ليرة فقط

ثم تتوالى المفاجآت ليصل ثمن الفاصوليا الى 200 ليرة مبروك

وعند السؤال عن السبب كان الجواب رمضان كريم

طيب بلعناها

توجهت لاحضار زجاجتي مياه لي ولامي فاكان الحاصل 60 ليرة قال كل شي غليان

بس غريب اسبوعين غياب عن دمشق اعود فاجد الاسعار تقفز الضعف

اما المفاجاة الاكبر فهي عندما قررت العودة واذ بالسيارات ترفض التوقف لي في حين ان شابين من الاشقاء واقفين الى جانبي وقفت اللسيارات الى جانبهم تعرض الخدمات لاي مكان يريدون

   المزيد ...


الخميس,آب 30, 2007


مسا الخير

لعلها الصدفة تلك التي حملتني ان افتح موضوعا قض مضجع السوريين بالتحديد كثيرا كما قض مضجع الاشقاء العراقيين قبلنا

في وقت ينزق فيه العراق يويما عشرات لا بل سأقول المئات من اولادها لايوجد وفي الواقع الا ارض واحدة تحاول جهدها تضميد جروح ابناءها انها سوريا التي فتحت ذراعيها لابناء الرافدين في وقت اغلقت دول التحالف الباب في وجههم اما الاشقاء العرب فقد وضعوا قيودا شديدة عليهم

ابو صالح رجل في الستين من عقده ملابسه العربية وبساطة حديثه توحي بانه رجل بسيط جدا طرق باب بيتنا يطلب استئجاره

ومن الحديث للحديث قالها بالعربي الفصيح : لقد اصبحنا نشحد

اتضح انه استاذ في جامعة الموصل بعد مأساة سامراء وصلته رسالة بعرف الوضع السائد في بغداد تقول اهجر المكان والا الموت

وفي اليوم الثاني كان على الطريق الى سوريا تاركا هناك ابنه الوحيد الذي انقطعت اخباره منذ 4 أشهر

قالها بوضوح اعرف انكم متضايقون منا واعرف كم سببنا لكم من الاضرار الاقتصادية لكن اقلبوا الوضع اين ستذهبون

من خلال عملي في منظمة الهلال الاحمر تتضح الصورة الحقيقية للمأساة

   المزيد ...


الإثنين,آب 27, 2007


دير الزور لمن لايعرفها ليست كم خيمة واشخاص شعث الشعر وجمال ونهر ولم تعد ذلك المنفى الذي ينفى اليه المخطئون بأعمالهم

لمن لايعرفها فهي ثاني اكبر محافظة في سوريا

وايضا ساتشرف بأخذكم في جولة عبر دير الزور

لعل دير الزور هي المدينة الوحيدة في العالم التي تستقبل زوراها بأمواتها وهذا ما لم أجد له سببا منذ 20 عاما

فالقادم من دمشق او الساحل او حمص سيلاحظ المقبرة المفتوحة التي تستقبله بلا حدود

وهنا الفت نظرك عزيزي الزائر الى انك ستضطر لتحمل المطبات على الطريق

اذا دخلت المدينة عزيزي فانك ستلاحظ امرا غريبا نوعا ما وهو انه لايخلو شارع من خيمة او اكثر تتوسط الشارع

وتمنع في بعض الأحيان المرور

هذه الخيمة صديقي هي -تعزيب- اي للتعزية للوفاة وهذه الخيمة ايضا مجهزة بكل وسائل الراحة الماء البارد التكييف القهوة وهذه الخيمة هي بمثابة البرلمان الديري المصغر اذ -وعلى قول والدتي-ان معظم مشاوير اهل الدير هي للتعازي لذا ان فقدت صديقك الديري فتجده في احدى خيم التعزي

دعنا ننتقل الان لمشهد آخر بالتناقض من السابق وهو

   المزيد ...


الجمعة,آب 17, 2007


مسا الخير

بداية أشكر كل من طلب مني العودة للكتابة وحملني على انهاء اعتزالي

شكرا كنان يسرا ميس ورامي

الان قبل أن أكتب هذه الكلمات اعلن وعلى الملأ أنني لست بكافر ولا مشرك ولا أسئ لدين ولا أنوي الاساءة لكن ما حملني للكتابة في هذا الموضوع هو وبالمشرمحي صغرالعقل عند هؤلاء المدعين انهم رجال دين وبمعنى آخر فتاوى عالماشي لكن انظروا ماذا فعلت فتاواهم في حياتنا وكم أسهمت بتأخيرها

الموضوع ابتدأ بنشر مقال عبرمجلة فورين بوليس الأمريكية تتحدث عن أغبى خمس فتاوى بالعالم الإسلامي وكم أسهمت هذه الفتاوى بتأخير العالم الإسلامي -بيني وبينكون .....................................................................يللا بلاها -

سأترك بعضا من الفتاوى وأناقش اكثرها استفزازا ومسخرة

الفتوي: البوكيمون
أصدرتها اللجنة العليا للبحوث

   المزيد ...