يهالضايع مين اللي قلك انو منو هون الكون ؟
تصور انو تكون الليلة اخر ليلة بتسهر هون
وين مسافر ؟
تصور انك اخر مرة رح تندهلي ورد عليك
واخر مرة بتلمح وشي عم بيزهر بعينيك

هيك بتغني جوليا وهيك انا عم غني وانا عم ضب الشنطة لفل وامشي برا البلد

راح زمن اللي بنقول نرفض نحنا نموت قولون رح نبقى وقررت امشي وسافر

وصارت الكلمات والاحلام والطوحات اني المس الشمس اصابعي هباب طاير بالفضا

وقت الملحد بيقلك انو انت خطر
واللي عامل حاله مؤمن بيكفرك ويتهمك انك منحرف لانك حضرت مسرح بيوم من الايام
ولما المعارض بيقلك انك مخابرات
ولما الموالي بيقلك انك خاين
ولما اصحابك بينقسموا شي بيروح تحت الارض وشي بيروح بالسرطان وشي بيروح بلعبة الموت الطائفي
والنص التاني بيصير عبد للمال وبس وبيحط كل الفروقات بينك وبينه
ولما اهلك بيسكروا كل البواب بوشك لانك حبيت تعمل شي مختلف وهاجس براسك اسمه فن
ولما بتعتذر لشخص بالطريق بتصير خروق ولما بتحاول تاخد حقك فانت واحد مشراني
ولما ما بعرف لوين رح اوصل لبكرا لوين وعيني مو نايمة ولا قلبي
لما بتروح المحبة
لما بيروح الاحساس وينسرق وبيصير العالم غربة والناس طايرة
لما عيشتك ببلدك صارت اصعب من الهم

ولما لما لما لما لما لما لما لما لما لما لما لما

حاجة

ولما جامعة برا بتقلك اهلا وسهلا

رح قللا وانا جايي سامحيني جوليا انا اسف اخدت حكيك شعار الي بس طلعت مغلط كتير

بعد شوي بترك الشام ومالي حامل معي منها الا كم ليرة وكم كتاب ووردة ياسمين

بلكي جهنم اللي رايحلا تكون احن عليي

كتبها طارق الحميد في 03:41 مساءً ::

4 تعليقات

في23,تشرين الأول,2007 - 04:11 مساءً, مجهول كتبها ...

انت جبان
بدك تتترك كل شي وراك وتروح
وانت اللي سميتها جهنم وعارف انو كل مشاعرك رح اضيع بس تروح هنيك

في24,تشرين الأول,2007 - 12:32 مساءً, مجهول كتبها ...

طول بالك كنان

كلشي ممكن يتصلح

روقها

سوسو

في31,تشرين الأول,2007 - 04:35 مساءً, مجهول كتبها ...

يا مسافر وحدك .. وسشايبني ..
ليه ..

في25,كانون الأول,2007 - 07:37 مساءً, zainab كتبها ...

مسافر..بس وين رايح،
و بعدين اذا كل الشباب سافرو مين راح يبني البلد و يطورها؟