الشارقة 1996 والله الجماعة  بذلوا  جهد  مرتب  واشتغلوا  والدليل  بتلاقيه  اليوم

تونس 1997  هدول عالم  من غير شي  مثقفين

القاهرة 1998  بدها  شغل

بيروت 1999 بحاجة  لثقافة بعيدة عن زمن الحرب

الرياض 2000/الكويت 2001/عمان2002

اغراق  في التراث المحلي

الرباط /2003؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صنعاء 2004 تميز  كتير واضح 

الخرطوم 2005!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مسقط 2006  شغل منيح

الجزائر 2007  اسابيع ثقافية

دمشق 2008   

اي هون حطنا الجمال   بقا  وهون  فينا  نحكي  ونفرفد  وناخد ونعطي   سالوني  ليش ؟ سالتوني  ليش؟

لانو  دمشق   يفترض  تقدم  اهم  احتفالية للثقافة   بالعصر الحالي  والبوادر  لهلأ  كانت طيبة   بس  خلونا نحكي كم كلمة 

1- بخصوص  السينما : ملاحظين  انو  ماعنا صالات متل البشر وافلامنا دائما خارج التغطية 

2- كمان بخصوص السينما  يستر  على الانبيا  كلون  بلا تخبيص مهرجان دمشق  اسينمائي  وركزولي على كلمة الدولي

ملاحظة : الى زوارنا الاشقاء  اذا ما لحقتوا  مهرجان  دمشق  في نسخ  تانية طبق الاصل  مع شوية ديكورات  اضافية  ببغداد  بيروت  القاهرة الاسكندرية  ابوظبي  دبي  قرطاج  ووين  مارحتوا  

3- بخصوص المسرح : كمان  بلاها  هي  مهرجان دمشق المسرحي  

وبما انو نحنا بسيرة المهرجانات  تعوا  لقلكلكون  نصيحة اخوية : لا تضحكوا على شي مسؤول عنا اذا قلكون  ما حدا  بينظم  متلنا المهرجانات  الا مهرجان جرش  سلمولي عليه وقولوله   :  ليش  بللا وين الجنادرية وهلافبراير   ودبي  ومسقط  والدوحة  وبيت الدين وقرطاج

هاد  الحكي  لمهرجانين  المفروض يتميزوا  بس  للاسف  لا  ببصرى واللاذقية

4- بخصوص السياسة  : بعرف  انو العلاقات السياسية  بين الدول بعمرها  ما تستنقر  بس  يستر على الانبيا  فرقونا  من  السياسة  وخاصة  الابن  العاق  لبنان  مو كل ما اجل  حدا وغنى بتقولوا  والله  بدنا نقاطع  لانو اجا غنا او غنت  بسوريا 

5- بخصوص الاماكن  الاثرية : انو معليه  نمشي  بدون ما نحول الطرقات  من قرنة لقرنة  وخاصة في دمشق القديمة

6- بخصوص حكومتنا وبس حكومتنا  انو يعني  انسمينا  بالصيفية  بالشوب  وبالشتوية  بالبرد  لاتسموها على قلبنا  بالكهربا والمي والمازوت  وخاصة  بشهر 3 ونهايته   شنو  اشقائنا العرب جايين لعنا لنتدارس الوضع الاقليمي

7- بخصوص الدكتورة حنان  قصاب حسن :  انا ما كنت من طلابك  بالمعهد  العالي ولا بقسم الادب الفرنسي  بس حكيولي عنك الكتير وكتير كمان متفاجئ فيكي  يوم بعد يوم  والاحتفال المذهل اللي علمتيه الجمعة كان  عنجد   بيجنن  والكل  صرخ ما احلاكي  يا شام  بتمنى تضلي  هيك

8- بخصوص  النقاقين  في الداخل والخارج  : اخرسوا

9- بخصوصك معالي وزير الثقافة : عم  يثبتلي انك من احسن واهم وزرا الثقافة اللي مرقوا لعنا  هالفترة  كمان خليك هيك

10- بخصوصي  انا : سد حلقي  وانضب